Кухмістр атрымаў Europe Restaurant Awards 2019

Cпяшаемся падзяліцца нечаканай радаснай весткай, якая толькі што прыйшла нам па пошце! Нам прысудзілі званне і ганаровы дыплом лепшага рэстарана беларускай (і літоўскай) кухні ў Мінску ў спаборніцтве Europe Restaurant Awards 2019. Пра якое мы нават не ведалі (і тым больш, не куплялі гэта званне, як гэта робіцца ў некаторых конкурсах).

Мы вельмі рады і ганарымся, і хочам перш за ўсё падзякаваць вам, нашы дарагія госці. Бо нас заўважылі і адзначылі сярод іншых выключна дзякуючы амаль 4000 водгукаў, пакінутых Вамі на нашу працу на розных інтэрнэт-пляцоўках. Вялікі вам дзякуй! І да новых сустрэч у рэстаране «Кухмістр»!