«Смак беларускай кухні» – гэта і наш дэвіз. Вітаем выхад новай кнігі пра нашу кухню!
Вядомая аўтарка кніг па беларускай кухні Алена Мікульчык у лістападзе дзялілася навіной пра выхад сваёй чарговай кнігі — «Смак беларускай кухні» — у эфіры тэлеканалу АНТ(праграма «Наше утро») у інтэр’еры нашага рэстарану.
Мы з радасцю даем месца такога кшталту мікра-імпрэзам, пры наяўнасці вольнага месца у нашым напружаным графіку. Рэстаранаў беларускай кухні ў нашай краіне па-ранейшаму да крыўднага мала. І мы лічым, што абавязаныя хоць сімвалічна падтрымліваць высілкі энтузіастаў адраджэння нацыянальнай кухні. А некаторыя імпрэзы такога кшталту мы плануем арганізаваць самі. Сачыце за навінамі ў нашым блогу і сацыяльных сетках.
